أبيك تحس في جرحي وحالي من بعد فرقاك
ابيك تشوف ياروحي حياتي وش جرى فيها
يظل الياس بعيوني يحاصرني هنا وهناك
وروحي عنك تسألني وانا ماغير أمنيها
حلمت سنين صدقني بليلة فرحتي وياك
على شانك اشب النــار وأبياتي اغنيها
طويل الدرب لوصالك مشيته في امل رؤياك
يسابق خطوتي شوقي وأحلامي تباريها
انا من كثر ما..أحبـك.. ما اشوف احد أبد يسواك
على هذي البسيطه حي من اولها لتاليهــا
اسولف عنك ياعمري يونس خاطري طريــــاك
يبان الشوق بعيوني ودمعاتي اداريـــــها
جروح القلب وألآمــه تهون ومبتغاي رضـــاك
سنين العمر من بعدك ترى والله ماابيـــها!!
وقلبي وصادق احساسي اقدمه فدا مـــاطــاك..
وانا من مبتدا عمري رخيص لك مهديها
وروحي تفترش ودك يلحفها"سنــى ذكراك"
بعد هذا وكل هذا علامك ماتراعيـــها ؟!!
انا الليله ترى مابي سوى نطقك بــ{لــن انســـاك}..
وانا من يمــي لايهمك ياأكحلها او اعميـــها..!!